TANTAI BASO JABE KOOPERATIBA
Euskal Herriko paisaia eraldatzeko anbizioa duen proiektua da Tantai. Horretarako, eredu intentsiboen bidez kudeatutako baso-monolaborantzak atzean utzi eta aniztasun biologiko handidun basoak sortzeko proposamen integrala dakargu.
Bertako espeziez osatutako basoen alde egiten dugu eta modu jasangarri eta bateratuan kudeatzen ditugu. Kalitate handiko zuraren ekoizpena dugu ardatz, eta baita gainerako ekosistema zerbitzuen emankortasuna handitzea ere.
Baso Jabeei aholkularitza, akonpainamendua eta laguntza eskaintzen dizkiogu, bere lurrak irizpide hauei jarraiki kudeatu ditzan.
0
BAZKIDE
0
HEKTAREATIK GORA
BASOBERRITZE
BASOBERRITZE
0
HEKTAREATIK GORA
KUDEATZEN
KUDEATZEN
BESTELAKO BASOGINTZA
Basogintza eredu intentsiboen eragin kaltegarriak larriturik, Europan aspaldi hasi zen zenbait basogile bestelako ereduak lantzen. Naturatik hurbilekoa den basogintza, zuhaitz estaldura osoa mantentzen duen basogintza eta ProSilva dira azken mende honetan nagusitu diren izenak.
Horietan oinarritzen dugu, hain zuzen, gure proposamena. Labur esanda, honako 5 oinarri hauek ditu:
ESPEZIE
ANIZTASUNA
Bioaniztasuna handituz, basoen funtzionamendua hobetzen da, eta hala zerbitzuen hornikuntza.
ANIZTASUNA ESKALA
TXIKIENEAN
Adin, espezie eta tamaina anitzeko zuhaitzez osatutako basoak egonkorragoak eta erresilienteagoak dira.
BIRSORTZE
NATURALA
lekuan lekuko baldintzetara egokitutako landareak lehenesterakoan, egokitzapen gaitasun handiagoa bermatzen dugu. Gainera kostu ekonomikoak nabarmen murriztuz.
ESKUARTZE
BORTITZAK EKIDINEZ
Lurzorua babesten dugu. Lurrean dago basoaren baliorik handiena!
BAKANKETA
BIDEZKO MOZKETAK
eginez zuhaitz estaldura egonkor mantentzen dugu. Baso sail bakoitzean mozketen maiztasuna zehaztu eta hala errentak maiztasun gehiagorekin jasotzen dira.
ESTATUTUAK
Tantairen helburuak, jarduna, bazkideen eskubide eta betebeharrak, etab. estatutuetan jasota daude. Hemen klikatuta deskargatu daitezke. Edozein zalantza eduki ezkero jarri gurekin harremanetan.
MAIZ EGITEN DIREN GALDERAK
1. Zein inplatazio-maila du Tantai baso Jabe Kooperatibak? Gorantza doa EAE-n bazkidetza, Beasain, Aramaio, Markina-Xemein, Elorrio, Legutio, Legazpi, adibidez.
2. Zein heinetan hartzen du parte bazkide bakoitzak? Pertsona bat bozka bat. Printzipio kooperatiboetan oinarritzen da kooperatiba. Baso jabeek batzar orokorrean eta kontseilu errektorean indarraren %50a dute, langileek %35a eta laguntzaileek %15a. Ekarpena basojabe denentzat da bera, 60€. Jarduerak egingo du proportzionaltasuna mantentzeko bidea. Hau da, 10ha dituen baso jabe aktibo batek, jarduera ugari bideratzen baditu Tantaitik, 100ha dituen baso jabe pasibo batek baino gehiago bermatuko du Tantairen bideragarritasuna. 2. urtetik aurrera, 60€ko kuota aplikatzen da. Oraingoz segurua barne; datozen urteetan ber-ebalutu behar bada, hau aldatu ahalko da. Lehen urteko berezitasuna izango da 10€/hako ordaindu beharreko laginketa lana. Lan honek baso desberdinen abiapuntua zehazten laguntzen digu. Bere horretan 200€/ha ko kostea duen lana da, baina bazkide laguntzaileek finantzatzen dute gaur gaurkoz lan hau.
3. Kooperatibaren parte izateak zein betebehar dakartza? Beste kooperatiben antzera, betebehar nagusiak batzar orokorrean parte hartzea, eta oro har, estatutuetan azaltzen dena betetzea da. Praktikan, bazkide erabiltzaileen kasuan, 60€ ekarpenaz gain, urteko kuota (60€) izan ahal da betebehar nagusia, hortik aurrera egiten diren lanen araberakoa.
4. Kide izateko zein baldintza bete behar dira? Nekazal kooperatiba izanik Tantaiko bazkide erabiltzaile izateko nekazal ustiategi titularra izan beharra dago. Titulartasun hau ez baduzu, lasai, guk kudeatzen dugu eskaera foru aldundian.
5. Jabe bakoitzak mantentzen du ekintza bakoitza baimentzeko edo ez baimentzeko azken hitza? Zalantza gabe jabearen da azken hitza. Urteroko proposamenean bazkide lur-jabeak eta teknikariok adostutako helburuei heldu ahal izateko lanak zehazten dira. Ondoren baso-jabeak egin nahi dituen lanei heltzeko aurrekontuak aurkezten dira eta horren arabera, egin beharrekoak zehaztu.
6. Antolaketaren inguruan: kudeaketa plan hori gauzatzeaz zein arduratzen da? Kudeaketa proposamena Tantaiko kideek egiten dute, eta baso jabeaz adostu. Tantairen helburuen barruan jokatuz beti, hau da bertako espeziez osatutako, eta estaldura jarraian kudeatutako basoetarantz bideratutako ekintzak izango dira.
7. Jabeak ordaindu behar ditu adostutako lanak? eta baso-langileak kontratatu behar badira, nork kontratatzen ditu? Baso jabeak ordainduko ditu adostutako lanak. Tantaitik bideratzea erabakitzen bada, bertan zehaztutako tarifen arabera; helburuetako bat baso langileen duintasuna bermatzea denez, tarifa horiek horra bideratuta dauden arren, orokorrean merkatu balioetan daude. Bazkide direnei deskontu bat aplikatzen zaie. Kontratuak kooperatibak egiten ditu; baso-kuadrilak eremuka antolatzerakoan (eta ez bazkideka), lanak hobeto antolatzen laguntzen digu, eta hala berme gehiagoz jokatzea.
8. Elkarteak badu gisa horretako lanak egiten dituenik lantaldean? Gaur gaurkoz ez. Helburuetako bat da lan talde propioa osatzea epe motzean. Horri begira proiektu desberdinak eskatu ditugu, eta lan-talde hori urte bat edo biren buruan izatea espero dugu.
9. Dirulaguntzen kudeaketaz elkarteko langileak arduratzen zarete? Kuotekin ordaintzen da lan hori egiten duenaren denbora? Bai, eta bai.
10. Badauka elkarteak bestelako diru-iturririk? Adibide garbiena aurkeztutako Zuk.Tantai aplikazioa izan daiteke. Beste bi kooperatibekin batera garapen proiektu bati esker aipatutako aplikazioa eta beste lau lan tresna garatu ditugu. Beste ikerketa proiektu batzuetan parte hartuz, landaketa kostu batzuk ere aurreztu izan dira.
11. Estatutuak eta bazkidetzeko sinatu beharko litzatekeen dokumentuak... nola egiten da onarpen prozesua? Hemen deskargatu ditzazkezu estatutuak. Onarpen prozesua praktikan izen emate eta datu bilketa baten oinarritzen da. Ondoren, formalismoz, kontseiluari eskaera, kontratu sinaketa, eta kontseiluaren onarpena ematen dira.
12. Ekimena Debagoienan garatu dela ikusita, horrek esan nahi du eskualde horretara mugatzen dela kooperatibaren jarduna? Proiektua garatzeko D2030 lan talde sarearen laguntza izan genuen, baina proiektuaren maila Euskal Herrira hedatzen da. Gaur egun Lea-Artibai eta Deba-Goienean daude lur sail gehienak, baina beste leku batzuetan ere bai. Gauzak ondo, esparru baten indar nahikoa ematen den momentuan horra egokitutako erakunde berriak sortzea da gaur gaurkoz planteamendua, beti ere printzipio berdinei eutsiz, eta metatutako baliabideak denon artean elkarbanatuz.
13. Zalantza gehiago ditut, nola jarri nahiteke zuekin kontaktuan? Beste edozein zalantza duzula, idatzi info@tantai.eus helbidera edo 682607828 telefonora deitu, atsegin handiz lagunduko dizugu zure zalantzak argitzen.